Námskeiðið byggir ofan á æfingakerfi Útihreyfingarinnar og hópurinn mætir tvisvar í viku á hraðaskiptar æfingar en einu sinni í viku hittist hópurinn einn og sér og æfir með sínum þjálfara.

Við æfum 2-3 í viku á þessu námskeiði og mikið er um göngur, létt hlaup og þrekæfingar. Æfingadagar og tímasetningar:

• Alla þriðjudaga kl. 17:30
  Styrktar- og þrekæfingar. Æfingarnar fara fram í Elliðaárdal, Öskjuhlíð, Laugardal og víðar.
• All fimmtudaga kl. 17:30
  Tækni- og gæðaæfingar. Á Hólmsheiðinni, Úlfarsfelli, í Heiðmörk, Bláfjöllum og víðar.
• Laugardagar / sunnudagar kl. 9:30
  Lengri hreyfing aðra hvora helgi, til skiptis á laugardögum og sunnudögum. Gamlir og nýir slóðar í nágrenni Reykjavíkur

Á Úti 101 er sérstök áhersla lögð á persónulegt utanumhald sem hefst með upphafsviðtali um markmið og væntingar. Þátttakendur fá svo reglulega endurgjöf og mat á stöðu og árangri. Námskeiðið er því tilvalið fyrir þá sem vilja koma sér af stað í útihreyfingu og jafnvel þá sem hafa áhuga á að taka síðan þátt í Hálfvættanámskeiði Útihreyfingarinnar.

Úti 101 endar á sameiginlegri útskriftarferð, gönguferð þar sem áfanganum er fagnað.

Hægt er að greiða fyrir námskeiðið í einu lagi eða skipta greiðslum eins og hver og einn kýs inni í greiðsluferlinu sjálfu.

Á meðan á námskeiðinu stendur njóta þátttakendur forgangs og ríflegra afsláttarkjara í flestar ferðir og námskeið hreyfingarinnar, Úti ævintýri.