Um Útihreyfinguna
Fólkið sem stendur að Útihreyfingunni kemur úr ólíkum áttum en hefur náð tengingu í þjálfun, hreyfingu og fjallaævintýrum undanfarin ár. Öll illa haldin af hreyfiofsa og ævintýraþrá.
Við viljum halda okkur í formi til að geta lagt í ævintýri, unnið áfangasigra og náð markmiðum okkar. Við vitum að með góðum æfingafélögum, skotheldri og fjölbreyttri æfingaáætlun og stórum skammti af gleði þá er auðvelt að halda sér að verki.
Útihreyfingin er hreyfing um hreyfingu. Alls konar hreyfingu. Í stærsta æfingasal landsins. Úti.
Framkvæmdastýra milli 9 og 5. Ofurplanari, þjálfari, og jógandi leiðsögukona þess á milli.
Leiðsögukona og náttúrubarn sem elskar ekkert meira en gott bras á fjöllum!
Starfandi stjórnarformaður og útiþjálfari sem er jafnvígur á gítar og saxafón.
Hlaupadrottning og járnkona með keppnisskapið í lagi.
Hlaupasjúkur fyrrum fótboltaþjálfari sem kallar ekki allt ömmu sína.
Útivistarkona sem kemst þangað sem hún ætlar sér með gleðina að vopni.
Fjallakóngur og flugbjörgunarsveitarmaður sem elskar að kenna fólki á GPS tæki.
Sögukona og jógakennari sem kann best við sig úti að leika.
Sí skíðandi jöklaleiðsögunemi og mikil kaffiáhugakona.
Fjallelskandi leiðsögukona og lífskúnstner sem líður best með ísexi í hönd.
Slökkviliðsmaður, kafari og okkar varðstjóri á fjöllum.
Langar þig til að slást í hópinn? Láttu okkur þá vita!