NÆSTI HÓPUR BYRJAR Í SEPTEMBER

Fyrir öll sem elska fjöll!
Hægt er að kaupa sig inn í stakar göngur

Útigengið er fyrir fólk sem finnst gaman að vera úti í náttúrunni og vilja nýta hana til líkamsræktar, kynnast nýjum stöðum og bæta við færni sína á fjöllum.

Dagskráin er fjölbreytt og áhersla er á að ganga sig upp í getu til að geta glímt við meira krefjandi göngur. Á veturnar æfir hópurinn sig líka í vetrarfjallamennsku og æfir notkun brodda og ísaxar.

Útigengið heldur til fjalla á sunnudögum, að meðaltali aðra hvora helgi.

Svona var dagskráin síðasta vor

Dagskrá Útigengisins

• 17. jan. Bjarnarfell við Geysi
• 31. jan. Þyrill í Hvalfirði
• 15. feb. Kálfatindar upp af Lyngdalsheiði
• 1. mar. Vikrafell ofan við Hreðavatn
• 15. mar. Mýrarhyrna á Snæfellsnesi
• 29. mar. Skessuhorn í Borgarfirði
• 19. apr. Hvalfell í Hvalfirði
• 3. maí. Hrútaborg á Mýrunum
• 17. maí. Blikdalshringurinn í Esju

Athugið að ef veður hamlar för á sunnudegi, getur verið að göngu verði flýtt til laugardags.

Hópurinn hefur samskipti sín á milli og sameinast í bíla inni á sérstakri Facebook síðu og skráðir þátttakendur í stakar göngur fá upplýsingapóst í aðdraganda hverrar göngu.

Umsjónarmenn Útigengisins eru Brynhildur Ólafsdóttir og Róbert Marshall, ásamt öðru leiðsögufólki Útihreyfingarinnar.