Sólheimajökull

26. nóv. Jöklaganga

Við festum á okkur brodda og með öxi í hönd og hjálm á höfði könnum við sprungið og ísað landslag Sólheimajökuls.

Skriðjökullinn er vinsæll áfangastaður ferðamanna í háönnum ferðasumarsins en hann er ekki síður fallegur fagurblár og slípaður í fámennri haustbirtunni.

Fræðsla um leiðarval og öryggi og æfingar í brodda- og axarnotkun á sama tíma og skoðaðar eru gjár, gil, sprungur, hryggir og toppar bláíssins. Að öðru leyti er útfærsla göngunnar háð veðri og færðinni á jöklinum.

Þátttakendur sameinast í bíla og leggja af stað úr Reykjavík kl. 8 að morgni. Hægt er að aka fólksbílum að upphafsstað göngunnar. Gert er ráð fyrir að komið verið aftur til Reykjavíkur fyrir kl. 17.

Ferðin kostar 14.000 kr fyrir meðlimi Útihreyfingarinnar en 19.600 kr fyrir aðra. Skráning fer fram með því að smella á viðeigandi gulan skráningarhnapp hér að neðan. Gert er ráð fyrir að þátttakendur komi með eigin brodda, belti, ísöxi og hjálm en skráðir þátttakendur fá nánari upplýsingapóst, þ.m.t. búnaðarlista, þegar nær dregur ferð.

  • Um 4 klst jöklaganga

  • Jöklabroddar

  • Ísöxi

  • Jöklabelti og karabína

  • Klifurhjálmur

Skráning. Meðlimur í Útihreyfingunni. 14.000 kr.
Skráning. Ekki meðlimur í Útihreyfingunni. 19.600 kr.