Góð stjórnun er lykillinn að vel heppnaðri liðsheild.

Við bjóðum upp á námskeið fyrir stjórnendur og millistjórnendur, þar sem er unnið í krefjandi aðstæðum úti í náttúrunni með þá þætti sem gera hóp ólíkra einstaklinga að öflugri liðsheild.

Í krefjandi og framandi aðstæðum er nauðsynlegt að þétta hópinn, styrkja liðsheildina og ýta undir það að allir rói í sömu átt, hvetji og hjálpi hver öðrum. Verkefni í náttúrunni eru því tilvalin til að efla leiðtogahæfileika og undirstrika nauðsyn árangursmiðaðrar samvinnu.

Á þessu námskeiði tekst hópurinn saman á við áskoranir í náttúru Íslands en hvergi verður nauðsyn góðrar forystu og liðshugsunar meira afgerandi eins og þar. Leiðarvalið upp brekkuna, yfir ána, gegn vindinum kallar á ákvarðanatöku sem grundvallast á áhættumati, opnum og greinargóðum samskiptum og skýrri verkaskiptingu.

Við lofum skemmtilegu, óvæntu og valdeflandi ferðalagi í íslenskri náttúru.

Sendu okkur póst á utihreyfingin@utihreyfingin.is fyrir frekari upplýsingar og sjáðu hvað við getum gert fyrir hópinn þinn.